085. Android උපාංගයක් Root කිරීමේ ඇති අවදානම

Android උපාංගයක් Root කිරීමේ ඇති අවදානම

ඔබත් ඇන්ඩ්‍රොයිඩ් දුරකථනයක් භාවිත කරනවා නම් Rooting යන වචනය ගැන දන්නවා ඇති. අලුත් ඇන්ඩ්‍රොයිඩ් දුරකථනයක් හිමි බොහෝ දෙනා එහි උපරිම ආශ්වදය ලැබීමේ අටියෙන් එය රූට් කරන්නට සිතනවා. නමුත් ඇන්ඩ්‍රොයිඩ් දුරකථනයක් රූට් කිරීමේදී එහි ඇති වාසි වගේම අවාසි සහ යම් අවදානමකුත් තිබෙනවා. මේ ලිපියෙන් අපි උත්සාහ කරන්නේ එහි ඇති වාසි වලට වඩා අවාසි සහගත තත්ත්වයන් පිළිබඳව අවධානය යොමු කරන්න.

මොකක්ද ROOT කරනවා කියන්නෙ ?

සරළව පැහැදිළි කළොත් ඇන්ඩ්‍රොයිඩ් දුරකථනයක් රූට් කරනවා කියන්නෙ ඇන්ඩ්‍රොයිඩ් ධාවනය වන උපාංගයක ඇන්ඩ්‍රොයිඩ් Subsystem එකට ප්‍රවේශ වීමට හා ඒවා වෙනස් කිරීමට ඉඩ සලසා දීමේ ක්‍රියාවලියයි. මෙය සිදු කරන සාමාන්‍ය ක්‍රියාවලිය නම් නිශ්පාදකයා විසින් උපාංගයේ පද්ධතිය අහුරා දමා ඇති යම් යම් සීමා බිඳ හෙලීමයි.

තවත් සරළව කියනවානම් ඔබගේ ඇන්ඩ්‍රොයිඩ් උපාංගයට යම් යම් ඇප්ස් ස්ථාපනය කළ නොහැකි ලෙස, යම් ඇප්ස් ඉවත් කළෑ නොහැකි ලෙස දුරකථන නිශ්පාදකයා විසි දමා ඇති සීමා බිඳ ඇන්ඩ්‍රොයිඩ් උපාංගයේ පද්ධති ගොණු වලට පිවිසීමට හා වෙනස් කිරීමට ඉඩ ලබාදීමේ ක්‍රියාවලියයි.

කලින් ස්අඳහන් කළා සේම මෙහි වාසි සහගත තත්ත්වයන් සේම අවාසිද තිබෙනවා. වාසි ගැන ඔබ දැන සිටියත් අවාසි ගැන අවධානය යොමු වනවා අඩුයි.

රූට් කිරීමේ ඇති වාසි

1.කාර්‍යක්ෂමතාවය (performance) වැඩි දියුණු වීම

2.අනවශ්‍ය ඇප්ස් ඉවත් කිරීමට හැකි වීම

3.අහුරා ඇති සෙටිංග්ස් වලට යාමට හැකි වීම

4.අලුත්ම ඇන්ඩ්‍රොයිඩ් සංස්කරණයට මාරු වීමට හැකි වීම

රූට් කිරීමේ ඇති අවාසි

1.දුරකථනයේ Warranty එක අහිමි වීම

රූට් කිරීම නිසා අනිවාර්‍යෙන්ම දුරකථයේ නිශ්පදකයාට දුරකථනය කෙරෙහි ඇති වගකීම අහෝසි වනවා. ඉන්පසු කුමන හෝ ගැටලුවක් නිසා නිශ්පාදකයාට ඔබ දුරකථනය යොමු කළහොත් වගකීම් සහතිකය නිසා ලැබෙන වරප්‍රසාද ලැබෙන්නේ නැහැ. එනම් යම් නිශ්පාදන දෝශයක් නිසා දුරකථනය මාරු කිරීමට සිදු වුණත් ඔබ රූට් කර ඇති නිසා එය මාරු කර නොදෙන්නට සමාගමට හැකියාව තිබෙනවා.

2.දුරකථනය වැඩක්ම නැති වේවි

රූට් කිරීම හා ඇන්ඩ්‍රොයිඩ් මෙහෙයුම් පද්ධතිය ගැන හරි දැනුමකින් තොරව රූට් කිරීමට යාමෙන් ඔබගේ දුරකථනය වැඩ නොකරන තත්ත්වයට පත් විය හැකියි. රූට් කිරීමට භාවිතා කරන විවිධ මෙවලම් මෘදුකාංග ගැන සම්පූරණ විශ්වාසය තැබිය නොහැකියි. මන්ද ඒවා සාදා තිබෙන්නේ පිළිගත් සමාගම් වලින් නොව බොහෝ විට තනි පුද්ගලයන් විසින් වීමයි. එනිසා ඒවා ඔබගේ පරිගණකයට හා දුරකථනය ගැලපෙන්නේ දැයි හරියාකාරව වටහා නොගෙන රූට් කිරීමට යාමෙන් ඇන්ඩ්‍රොයිඩ් මෙහෙයුම් පද්ධතිය හානි විය හැකියි.

3.කාර්‍යක්ෂමතාවය අවම වීම

බොහෝ විට අප දුරකථන රූට් කිරීමට පෙළඹෙන්නේ එහි කාර්‍යක්ෂමතාවය වැඩි කර ගැනීමටයි. නමුත් මෙහෙයුම් පද්ධතියේ සිදුකරනු ලබන සියුම් වෙනස් කම් නිසා හා රූට් කිරීමෙන් පසු ඔබ ස්ථාපනය කරන අනේක විධ නිර්දේෂ නොකළ ඇප්ස් නිසා දුරකථනය මන්දගාමී වෙනවා.

4.වයිරස් බලපෑම

රූට් කිරීමේ ඇති ප්‍රධාන අවධානම රූට් කිරීමෙන් අනතුරුව දුරකථනය වයිරස් වලට නිරාවරණය වීමයි. මෙහෙයුම් පද්ධතියේ ඇති අරක්ෂාව බිඳී යන නිසා මෙසේ සිදු වනවා.

එහෙනම් අපි ගියා....

සදා ජය​..........

ලිපිය හොදනම් share පාරක් දාලා, දිනපතා ඵලවන අලුත්ම ලිපි 

දැනගැනිම සදහා අපේ facebook පිටූවට 

like කලේ නැතිනම් like එකක් 

දාගෙනම යන්න​.